lunedì 24 agosto 2015

Rintra stu viaggiu vaju circannu i sentimenti






VIAGGI

(Crispi - Agricantus - Pinelli)

Ora semu arreri cca in viaggiu senza tempu
uri, uri e uri a caminari
strati sicuri unni 'un c'è scantu ri guerra
senti na radiu nni porta luntanu.

Mentri dda facci nsiccu a nuatri talìa
semu ne nostri pinseri ncantati
sunannu sunannu sempri ti pari 'i taliari
quantu su longhi i' strati i stu munnu.

Nte paisi chi trazzeri ca satanu ntall'aria
vennu surdati ru celu, ru mari
mannati ri quarcunu ca un s'arrisica a diri
ch'è 'u stessu putiri c'ammazza e c'aiuta.

Navi e strati genti ammassati comu cani
in cerca ri posti d'oru e d'argentu
sulu fumu ntall'occhi a ddi facci senza nomi
stasira ci pensu e 'un pozzu rormiri.

Rintra stu viaggiu vaju circannu i sentimenti
picchì rintra ri mia è sempre 'a cosa cchiù mpurtanti
jucari cu stu munnu, canusciri sti genti
genti luntana ca cummatti, ca vivi, ca senti.

Rintra stu viaggiu vaia circannu tutti i culura
culura 'i jornu, culura 'i notti, culura 'i terra nura
autri pinseri ca ti scoppianu nta testa
autri paroli ca li rumpinu sti mura.


Related Posts Plugin for WordPress, Blogger...

home